Жеңіс саябағында ұйымдастырылған мәдени іс-шаралар аясында ерекше форматтағы “Ашық микрофон” айдары өтті. “Мен үшін ауыл…” атты видео жоба қала тұрғындарының жүрегіне жол тауып, көпшіліктің қызығушылығын арттырды. Бұл бастама ауыл тақырыбын жаңа қырынан ашып, әр адамның жеке естелігі мен сезімі арқылы туған жердің маңызын көрсетуге бағытталды.

Іс-шара барысында саябақ аумағына арнайы микрофон орнатылып, “Мен үшін ауыл…” деген жазу ілінді. Саябақта серуендеп жүрген кез келген қала тұрғыны ерікті түрде келіп, өз ойымен бөлісуге мүмкіндік алды. Қатысушылар өз ауылдары туралы, балалық шақтағы естеліктері, туған жерге деген сағынышы мен құрметі жайлы шынайы әңгімелерін айтты. Әрбір айтылған сөз – жүректен шыққан, әсерлі де мағыналы ойлар болды.

Жобаға қатысқан азаматтардың әңгімелері арқылы ауылдың әр адам үшін ерекше орын алатыны айқын байқалды. Бірі ауылды балалық шақтың символы ретінде сипаттаса, енді бірі ата-әженің мейірімі мен дастарқан басындағы жылулықты еске алды. Ал кейбірі үшін ауыл – еңбек пен төзімділіктің, табиғатпен етене өмір сүрудің мектебі ретінде көрінді.

“Ашық микрофон” айдарының басты мақсаты – ауылдың әр адамның жүрегінде қандай ыстық естеліктермен сақталғанын көрсету, сондай-ақ қала өмірінің қарбаласында жүрген жандарға туған жердің қадірін еске салу болды. Бұл жоба арқылы ұйымдастырушылар ауыл тақырыбын тек көркем бейнелер арқылы ғана емес, тірі эмоция мен шынайы пікірлер арқылы жеткізуді көздеді.

Жиналған бейнематериалдар әлеуметтік желілерде жарияланып, кең аудиторияға жол тартты. Нәтижесінде, тек шараға қатысушылар ғана емес, онлайн көрермендер де өздерінің ауыл туралы ойларына үңіліп, жүректерінде жатқан сағынышты қайта сезінуге мүмкіндік алды. Көпшілік пікір қалдырып, өз естеліктерімен бөлісіп, жобаға белсенді қолдау көрсетті.

Жалпы, “Мен үшін ауыл…” атты “Ашық микрофон” айдары – қарапайым форматта ұйымдастырылғанымен, терең мағынаға ие әлеуметтік жоба болды. Ол адамдарды біріктіріп, ортақ құндылық – туған жерге деген сүйіспеншілікті дәріптеді. Осындай бастамалар қоғамда рухани байланысты нығайтып, ұлттық құндылықтарды жаңғыртуға өз үлесін қоса беретіні сөзсіз.

Жеңіс саябағында өткен “Ауыл” партиясының “Ауыл нақыштары” атты фотобайқауының көрмесі қала тұрғындарына ерекше рухани әсер сыйлаған маңызды мәдени шаралардың бірі болды. Бұл көрме республика көлемінде ұйымдастырылып, еліміздің түкпір-түкпірінен қатысқан талантты фотографтардың ең үздік туындыларын бір алаңға жинады.

Көрменің басты ерекшелігі – әрбір фотосуретте ауыл өмірінің шынайы келбеті мен оның терең философиясы көрініс тапқан. Авторлар өз еңбектері арқылы ауыл тіршілігінің қарапайымдылығын ғана емес, сонымен қатар оның ішкі байлығын, адам мен табиғат арасындағы үйлесімділікті шебер жеткізе білді. Табиғаттың көркем көріністері, кең дала, таңғы тыныштық, кешкі шапақ – мұның бәрі фотосуреттер арқылы көрерменді ауылдың ерекше әлеміне жетелейді.

Сонымен қатар, көрмеде еңбек адамының бейнесі айрықша орын алды. Мал бағып, егін егіп, күнделікті тіршіліктің қамымен жүрген жандардың еңбегі арқылы ауылдың шынайы болмысы ашылады. Бұл суреттер тек көркем туынды ғана емес, олар – қарапайым адамдардың маңдай тері мен адал еңбегіне қойылған құрмет іспетті.

Ұлттық дәстүрлер мен салт-сананың көріністері де көрменің мазмұнын байыта түсті. Қазақы болмыстың ажырамас бөлігі саналатын той-думан, тұрмыстық салттар, үлкенге құрмет, кішіге ізет секілді құндылықтар фотографтардың объективі арқылы ерекше әсерлі жеткізілген. Осы арқылы көрме тек эстетикалық ләззат сыйлап қана қоймай, ұлттық рухты жаңғыртуға да өз үлесін қосты.

Қала тұрғындары үшін бұл көрме жай ғана фотосуреттер жиынтығы емес, өткенге сапар шегуге мүмкіндік берген рухани кеңістік болды. Көпшілік ауыл өмірін еске алып, балалық шақтың тәтті сәттерін, туған жердің жылуын қайта сезінгендей әсер алды. Әсіресе, ауылдан алыстап кеткен жандар үшін бұл көрме жүректеріне сағыныш ұялатып, туған топырақтың қадірін тереңірек ұғындырды.

Жалпы алғанда, “Ауыл нақыштары” фотокөрмесі – ауыл өмірінің көркем шежіресі іспетті. Ол көрерменді ойландырып, рухани байытып, ұлттық құндылықтарға деген құрметті арттыра түсті. Осындай игі бастамалар алдағы уақытта да жалғасын тауып, елдің мәдени өміріне жаңа серпін береді деген сенім мол.

Жамбыл облысы әкімдгінің жастар саясаты мәселелері басқармасының тапсырысы бойынша, Ш.Мұртаза атындағы Халықаралық Тараз инновациялық институтында «Мектепаралық лига» жайдарман командалары арасында «Интеллектуалды куиз ойындары» өткізілді!

Қатысушы топтар арасынан III орын - «Октябрский» командасына, II орын - «ND» командасына және I орын - «Салтанаттың жігіттері» командасына бұйырды!

"Жайдарлы" Жастар КВН лигасы ЖҚБ

Жамбыл облысы әкімдігінің жастар саясаты мәселелері басқармасының тапсырысы бойынша Жамбыл облысы әкімінің кубогы үшін «Әулие-ата» Жоғары лигасының үлкен финалдық сайыстарының жеңімпаздары анықталды!
Жүлделі III орын - Тараз қаласының «Medium» командасына (200 000 теңгелік сертификат), II орын - Ш.Мұртаза атындағы Халықаралық Тараз инновациялық институтының «ОЮ» командасына (300 000 теңгелік сертификат) және I орын - Тараз қаласының «Әдеби жігіттер» командасына (400 000 теңгелік сертификат) тиесілі болды! Сонымен бірге «Үздік ойыншы» номинациясымен - «ОЮ» командасының капитаны - Айназ Адамбаева атанып, 100 000 теңгелік сертификатпен марапатталды!

Жамбыл облысы әкімдігінің жастар саясаты мәселелері басқармасының тапсырысы бойынша Жамбыл облысы әкімінің кубогы үшін «Әулие-ата» Жоғары лигасының кіші финалдық сайыстарының жеңімпаздары анықталды!

Жүлделі III орын - Дулати университетінің «Қарасаз» командасына, II орын - Тараздық «Престиж» командасына және I орын - Меркі ауданының «Меркістан» командасына тиесілі болды! Сонымен бірге «Үздік ойыншы» номинациясымен - «Меркістан» командасының ойыншысы - Эргаш Ислам марапатталды!

«Меркістан» командасы Елордада болатын Республикалық маусымашар ойындарына 100 000 теңгелік сертификат жеңіп алды!

 "Жайдарлы" Жастар КВН лигасы ЖҚБ

Жамбыл облысы әкімдігінің жастар саясаты мәселелері басқармасының тапсырысы бойынша 24 қараша күні Т.Рысқұлов ауданы, Құлан ауылы М.Өзбеков атындағы мәдениет үйінде - Жайдарман Жамбыл облыстық «Номад» Премьер лигасының финалдық ойыны өткізілді.

Нәтижесінде, маусымның «Үздік ойыншысы» номинациясымен Аказаки командасының ойыншысы Қапышев Темірлан 50 000 теңгелік сертификатпен мараматталды.
Жүлделі 3 орынды Теханғо және Шерхан жастары командалары иеленіп, 100 000 теңгелік сертификат, 2 орынды Метеорит командасы иеленіп, 200 000 теңгелік сертификат және 1 орын Бренд командасы 250 000 теңгелік сертификаттармен марапатталды.

"Жайдарлы" Жастар КВН лигасы ЖҚБ

1 қараша күні Жамбыл облысы әкімдігінің жастар саясаты мәселелері басқармасының тапсырысы бойынша, Баласағұн орталық концерт залында «Мектепаралық лига Маусымашар 2023» ойыны өткізілді.

20-дан аса командада іріктеліп Маусымашар ойынында 11 команда бақ сынады. Нәтижесінде Жүлделі 3 орын - №56 мектеп "Құмшағал жастары” командасына бұйырып, 50 000 теңгелік сертификатпен марапатталды. 2 орынды - “Келешек Тараз” интеллектуалды мектебі иеленіп, 100 000 теңгелік серификатпен марапатталды. 1 орын - №30 мектеп “Салтанаттың жігіттері” командасына бұйырып, 150 000 теңгелік сертификатқа ие болды. Үздік ойыншы - №55 мектеп, Шөлдала командасының ойыншысы Ергешов Нұрпейіс атанды.

 "Жайдарлы" Жастар КВН лигасы ЖҚБ

Тараз қаласы әкімдігі ішкі саясат бөлімінің «Жастар ресурстық орталығы» коммуналдық мемлекеттік мекемесінің «Мүмкіндігі шектеулі жастардың шығармашылық әләуетін дамыту бағытында іс-шаралар өткізу» тақырыбындағы мемлекеттік әлеуметтік жобасы шеңберінде Жамбыл облыстық пікірсайыс одағы «Еркін пікір» жастар қоғамдық бірлестігінің ұйымдастыруымен және «Асар» оңалту кешенімен бірлесе отырып «Асар» оңалту кешенінде «Он саусағым біріксе» атты Мүмкіндігі шектеулі жастарға шығармашылығын дамыту мақсатында қол-өнер байқауы ұйымдастырылды. Қол өнер байқауында Айдина Джакатаева өз білгенін мүмкіндігі шектеулі жастарға көрсетті. Іс-шара барысында мүмкіндігі шектеулі жастар өз қолдарымен шайырдан (смола) әдемі суреттер жасады. Олар үйренгендерін жасап, жастар арасында байқау өткізілді. Байқауға 20-ға жуық мүмкіндігі шектеулі жастар қатысты. 

Тараз қаласы әкімдігі ішкі саясат бөлімінің «Жастар ресурстық орталығы» коммуналдық мемлекеттік мекемесінің «Мүмкіндігі шектеулі жастардың шығармашылық әләуетін дамыту бағытында іс-шаралар өткізу» тақырыбындағы мемлекеттік әлеуметтік жобасы шеңберінде Жамбыл облыстық пікірсайыс одағы «Еркін пікір» жастар қоғамдық бірлестігінің ұйымдастыруымен және «Асар» оңалту кешенімен бірлесе отырып «А.Тоқпанов атындағы Жамбыл облыстық қазақ драма театры» кешенінде «Менің әлемім» атты Мүмкіндігі шектеулі жастардың шығармашылығын дамыту мақсатында суретшілер байқауы өткізді. Мүмкіндігі шектеулі жастар суреттерін өз еркімен кез келген тақырыпта салып алып келеді. Байқау аясында мүмкіндігі шектеулі жастардың  суреттері ілініп, сурет көрмесін қала тұрғындары тамашалады. Қала тұрғындары ұнаған суреттеріне стикер арқылы бағасын берді. Осылайша байқау жеңімпазын анықтады. Байқауға 20-ға жуық жастар қатысып, жеңімпаздар бағалы сыйлықтармен марапатталып, қатысушылар қосымша сыйлықтарға және алғыс хаттарға ие болды. 

Тараз қаласы әкімдігі ішкі саясат бөлімінің «Жастар ресурстық орталығы» коммуналдық мемлекеттік мекемесінің «Мүмкіндігі шектеулі жастардың шығармашылық әләуетін дамыту бағытында іс-шаралар өткізу» тақырыбындағы мемлекеттік әлеуметтік жобасы шеңберінде Жамбыл облыстық пікірсайыс одағы «Еркін пікір» жастар қоғамдық бірлестігінің ұйымдастыруымен және «Асар» оңалту кешенімен бірлесе отырып «Асар» оңалту кешенінде «Біз біргеміз» атты Мүгедектер күніне арналған акция өткізілді. «Асар» оңалту кешенінде мүмкіндігі шектеулі жастар мен волонтерлар қосылып кішігірім сенбілік өткізілді. Акция барысында мүмкіндігі  шектеулі жастарға және волонтерларға арнап фуршет және би кеші ұйымдастырылды. Акцияға 60-қа жуық мүмкіндігі шектеулі жастармен волонтерлар қатысты. Мүмкіндігі шектеулі жастар ұйымдастырушы тарапқа алғыстарын білдіріп, осы сынды акциякөбейсе көңіл күйлері көтерілетінін жеткізді.