Жамбыл облыстық пікірсайыс одағы «Еркін пікір» жастар қоғамдық бірлестігі Т. Рысқұлов ауданы әкімдігі ішкі саясат бөлімінің «Отбасы институты мен гендерлік саясатты нығайтуға бағытталған іс-шаралар кешенін ұйымдастыру» тақырыбындағы мемлекеттік әлеуметтік жобасын іске асыруда. Жоба аясында Т.Рысқұлов ауданы, Құлан агротехникалық колледжінде отбасы институтын нығайту бойынша семинар тренинг өтті. Семинар тренингтің басты мақсаты-отбасылық құндылықтарды қалыптастыру, отбасы мүшелері арасындағы қарым-қатынасты жақсарту.

          Семинар тренингті психолог-Марал Хантөреқызы жүргізді. Отбасы институтын нығайту – бұл жай ғана бір әлеуметтік міндет емес, бұл мемлекеттің тұрақтылығы мен ұрпақ болашағына бағытталған стратегиялық қадам. Бұл қадамға жету барысында отбасы – тұлға қалыптасуының негізі екені, адам баласы ең алғаш махаббатты, тәрбиені, жауапкершілікті, сенімді отбасынан үйренетіні, ата-ана–алғашқы тәрбиеші, баланың мінезі, көзқарасы, өмірге деген қарым-қатынасы отбасында қалыптасатындығы жайлы ата-аналардың сауаттануы. Егер отбасы институты әлсіз болса – бала рухани, моральдық жағынан толық қалыптаса алмайтындығы тілге тиек етіп айтылды. Отбасы – мемлекетті құрайтын ең кіші, бірақ ең маңызды әлеуметтік ұяшық болып, мықты отбасылардан ғана тұрақты қоғам және жауапты азаматтар шығатындығын семинар қатысушыларына түсіндірілді.