"Этносаралық және конфессияаралық келісімді нығайтуға және насихаттауға бағытталған Фестиваль

 Жамбыл облыстық пікірсайыс одағы «Еркін пікір» жастар қоғамдық бірлестігі мен Тұрар Рысқұлов ауданы әкімдігі ішкі саясат бөлімінің «Аудан тұрғындары арасында этносаралық және конфессияаралық келісімді нығайтуға және насихаттауға бағытталған іс-шаралар ұйымдастыру» тақырыбындағы мемлекеттік әлеуметтік жобасы шеңберінде Құлан ауылы, Достық үйінде Этносаралық және конфессияаралық келісімді нығайтуға және насихаттауға бағытталған «Біз біргеміз» атты фестиваль ұйымдастырылды. Фестиваль аясында «Біз біргеміз» атты ән айту, өлең оқу және сурет салу байқауы ұйымдастырылды. Сонымен қатар фестиваль аясында «Біз біргеміз» атты қол күрестен спорттық жарыс өтті. Нәтижесінде сурет салу байқауында Париева Галина, ән айтауда Субаруша Бебби, өлең оқуда Иванкова Янна және Галине Анне бірінші орынды жеңіп алды. Ерлер арасында қол күрес спорттық жарысында Байрамуков Асланбек жеңіске жетті. Фестиваль соңында барлық қатысушыларға алғыс хаттар мен бағалы сыйлықтар табыс етілді.