Жамбыл облыстық пікірсайыс одағы «Еркін пікір» жастар қоғамдық бірлестігі Тараз қаласы әкімдігі ішкі саясат бөлімінің «Жастар ресурстық орталығы» коммуналдық мемлекеттік мекемесінің мемлекеттік әлеуметтік тапсырысы аясында жүзеге асырып жатқан «Жастар арасында салауатты өмір салтын қалыптастыру мен насихаттауға, есірткі бизнесі мен нашақорлықтың алдын алу және жастар мен жасөспірімдер арасында құқық бұзушылық пен қылмыстың алдын алу бойынша мақсатты іс-шаралар өткізу» жобасы шеңберінде жастарға арналған 10 түрлі бағыттағы оқыту курстары ұйымдастырылды. Аталған курстарға жастар қатысып, әрқайсысы үшін арнайы сертификаттар табысталды.

Жобаның негізгі мақсаты — жастардың бойында салауатты өмір салтын қалыптастыру, зиянды әдеттерден аулақ болуға бағыт беру, құқықтық мәдениетті арттыру және өз ортасында қауіпсіз мінез-құлық дағдыларын дамыту. Осы мақсатқа сәйкес ұйымдастырылған оқыту курстары әртүрлі мазмұнды қамтып, жастардың жан-жақты дамуына бағытталды.

Осылайша ұйымдастырылған 10 оқыту курсы жастардың денсаулығын нығайтуға, құқықтық және психологиялық сауаттылығын арттыруға, есірткіге қарсы иммунитет қалыптастыруға елеулі үлес қосты. Барлық курс жоғары деңгейде өтіп, қатысушыларға өз әлеуетін дамытуға арналған құнды білім берді.