«Денсаулық – басты байлық» атты форум мен көрмелер

Таңғы уақытта Орталық алаңда өткен «Денсаулық – басты байлық» тақырыбындағы форумға облыс басшылығы, құқық қорғау органдары, үкіметтік емес ұйымдар, еріктілер мен жастар өкілдері қатысты. Форум барысында нашақорлықтың алдын алу, оның құқықтық, медициналық және психологиялық аспектілері талқыланды.

Сонымен қатар, форум аясында «Менің таңдауым – салауатты өмір» атты сурет көрмесі мен «Денсаулық – басты байлық» тақырыбындағы кітап көрмесі өтті. Қала тұрғындары мен қонақтары бұл көрмелер арқылы есірткінің зияны мен салауатты өмір салтының маңызы туралы жан-жақты ақпарат алды.