Жамбыл облыстық пікірсайыс одағы «Еркін Пікір» жастар қоғамдық бірлестігі Тұрар Рысқұлов ауданы әкімдігі ішкі саясат бөлімінің «Аудан тұрғындары арасында этносаралық және конфессиялық келісімді нығайтуға және насихаттауға бағытталған іс-шаралар» тақырыбындағы әлеуметтік жобасын іске асыруда. Жоба аясында Тұрар Рысқұлов ауданындағы «Достық үйінде»  «Бейбіт елдің балалары» атты балалар мен жасөспірімдерге арналған этносаралық байқау өткізілді. Мақсат- Қазақстан халқының ынтымағы мен ұлтаралық татулығын одан әрі күшейту, этносаралық қарым-қатынас пен қоғамдық келісімді реттеу болып табылады. Байқауға 20 ға жуық этнос жастары белсене атсалысты. Байқау 6-8 жас, 9-11 жас, 12-15 жасерекшелігіне қарай үш топқа бөлініп қарастырылды. Байқаудың нәтижесінде орын алған оқушылар марапатталып, сыйлықтар табысталды.