Нашақорлық және есірткі бизнесіне қарсы күрес жүргізу 

Т.Рысқұлов ауданы әкімдігінің ішкі саясат бөлімінің тапсырысымен «Нашақорлық және есірткі бизнесіне қарсы күрес жүргізу мақсатында іс-шаралар кешенін ұйымдастыру» тақырыбындағы мемлекеттік әлеуметтік жобасы шеңберінде Жамбыл облыстық пікірсайыс одағы «Еркін пікір» жастар қоғамдық бірлестігінің ұйымдастыруымен Тұрар Рысқұлов ауданы Каменка ауылында Бауыржан Момышұлы атынағы орта мектебі қабырғасында Нашақорлық және есірткі бизнесіне қарсы күрес жүргізу мақсатындағы кездесу  өткізілді. Кездесуге психолог маман, «Сенімен Болашақ» Республикалық қоғамдық бірлестігінің психологы Рахымбердиева Шолпан Мұратқызы шақырылды. Шолпан Мұратқызы өз сөздерінде нашақорлықтың зияны, жабайы жарнамалар, жалған есірткі тарату жұмыстарына тарту, психологиялық сенімге кіру және алданбау  бойынша түсіндірме жұмыстарын жүргізді.