Жамбыл облыстық пікірсайыс одағы «Еркін пікір» жастар қоғамдық бірлестігі Мойынқұм ауданы әкімдігі ішкі саясат бөлімінің  «Дәстурлі емеc діни ағымдарға қарсы иммунитетті қалыптастыру және алдын-алу бойынша іс-шаралар» тақырыбындағы әлеуметтік жобасын жүзеге асыруда. Жоба аясында Мойынқұм ауданы, Мойынқұм ауылында орналасқан мәдениет үйінде «Діни экстремизм мен терроризмнің қоғамға төнген қаупі» тақырыбында кездесу өткізілді. Кездесуге 20-дан аса пробацияда жүрген тұрғындар қатысты. Кездесуге Тараз қаласынан арнайы дінтанушы, тарих мамандығы бойынша магистр Құттыбаев Дәурен Нұржанұлы шақырылды. Дәурен Нұржанұлы қатысушыларға жат ағымдардың сипаттарын, олардан төнетін қауіптер, дәстүрлі дін, дін мен дәстүр туралы ақпараттармен бөлісіп, түсіндірме жұмыстарын жүргізді.