22 қазан 2025 жылы сағат 11:00-де Тараз сервис және технология колледжінде Жұмысшы мамандықтар жылы аясында «Barbershop» тақырыбында шаштараз ісі бойынша шеберлік сабағы (мастер-класс) өтті.

Бұл іс-шараның мақсаты – студенттердің кәсіби дағдыларын арттыру, шаштараздық өнердің жаңа бағыттарымен таныстыру және болашақ мамандардың тәжірибесін шыңдау болды.

✂️ Мастер-класты кәсіби шаштараз, барбер Елмуратов Пернебек Сарсенович жүргізді. Ол қатысушыларға заманауи шаш қию техникасын, шаш үлгілерін қалыптастырудың жаңа әдістерін және клиентпен жұмыс істеудің қыр-сырларын көрсетті. Сабақ барысында студенттер шебердің жұмысын бақылап қана қоймай, өз қолдарымен тәжірибе жасап көруге мүмкіндік алды.

Іс-шараға колледждің «Шаштараз ісі» мамандығында оқитын студенттер мен оқытушылар қатысты. Олар үшін бұл кездесу кәсіби шеберлікті арттырып, шығармашылық көзқарасты дамытуға үлкен серпін берді.

Мастер-класс соңында қатысушылар Елмуратов Пернебек Сарсеновичке пайдалы кеңестері мен тәжірибесі үшін алғыстарын білдіріп, алдағы уақытта осындай тәжірибелік кездесулер жиі ұйымдастырылатынына үміт білдірді.

«Barbershop: Шаш қию өнері – кәсіптің келешегі!» атты бұл шара жастарды кәсіпке баулуда, өз ісіне деген сүйіспеншілікті арттыруда және еңбек нарығында бәсекеге қабілетті маман болуға ынталандыруда маңызды рөл атқарды.