2025 жылдың 11 қазан күні Қордай ауданында 25 қазан – Республика күніне орай «Тұғыры биік туған ел» атты облыстық пікірсайыс турнирі өтті. Аталған шара Қордай ауданы әкімдігінің ішкі саясат бөлімінің тапсырысы аясында Жамбыл облыстық пікірсайыс одағы «Еркін пікір» жастар қоғамдық бірлестігінің ұйымдастырылуымен өткізілді. Турнирдің негізгі мақсаты – жастардың азаматтық белсенділігін арттыру, сыни тұрғыда ойлау қабілетін дамыту, елжандылық пен патриоттық құндылықтарды қалыптастыру болып табылады.

Пікірсайыс турниріне облыстың түкпір-түкпірінен келген 20-ға жуық фракция қатысып, қоғамда өзекті болып тұрған тақырыптарда пікірталас жүргізді. Пікірсайыс жарысы АПФ және ЛД форматтарында өтіп, қатысушылар өз ойларын дәлелді түрде жеткізіп, шешендік қабілеттерін көрсетті. Турнир барысында қатысушылардың белсенділігі мен жоғары дайындық деңгейі ерекше байқалды. Қазылар алқасының шешімі бойынша бірінші орынды Байзақ ауданының «Фемида» фракциясы жеңіп алып, 50 000 теңге көлемінде ақшалай сыйлыққа ие болды. Екінші орынды Тараз қаласының «Гарвард» фракциясы иеленіп, 40 000 теңге көлемінде марапатталды. Ал үшінші орынды Тараз қаласындағы №45 мектептің «Жүректен жүрекке» фракциясы жеңіп, 30 000 теңге көлемінде сыйақыға ие болды. Сонымен қатар, «Ең үздік талпыныс» номинациясы Қордай ауданының командасына беріліп, 20 000 теңге көлемінде марапатталды. «Ең үздік спикер» аталымын Есенғали Жанайым иеленіп, 20 000 теңге көлемінде сыйақы алды, ал «Үздік төреші» номинациясы Жанысбай Балнұрға табысталды. Турнирдің қорытындысында жеңімпаздарға дипломдар, алғыс хаттар және ақшалай сыйлықтар табыс етілді. Аталған шара жастардың пікірсайыс мәдениетін қалыптастыруға, ой еркіндігін дамытуға және қоғамдық белсенділікті арттыруға бағытталған маңызды қадам болды.

Жастардың креативті ойлауына арналған шеберлік алаңы

Жастардың шығармашылық әлеуетін арттыру, заманауи технологиялармен жұмыс істеу дағдыларын дамыту және жобалық ойлауды үйрету мақсатында BAGYT HUB базасында IdeaLab – Жобалық ойлау мектебі табысты өткізілді.

Іс-шара аясында қатысушылар практикалық форматтағы шеберлік сабақтар арқылы өз идеяларын жүзеге асырудың заманауи әдістерін меңгерді. Бағдарлама мазмұны жобалық ойлау, командалық жұмыс және дизайн-ойлау бағыттарын қамтыды. Шара жастардың тек теориялық білім алып қана қоймай, оны тәжірибе жүзінде қолдануына мүмкіндік берді.

Мастер-кластар келесі тақырыптар бойынша ұйымдастырылды:

Жасанды интеллект (AI)
Қатысушылар болашақ технологияларының бірі – жасанды интеллектпен жұмыс істеудің негізгі тәсілдерін үйреніп, AI құралдарын контент жасау мен креативті шешімдер үшін қолдануды тәжірибеде көрді.

Сандық визуал және фото/видео түсіру
Контент жасау, бейнемонтаж және креативті визуализация тақырыптары бойынша практикалық сабақтар өткізіліп, жастарға заманауи медиа құралдарын қолдану әдістері таныстырылды.

Дизайн-ойлау және топпен жұмыс
Идеяны нақты жобалық шешімге айналдыру жолдары, клиент қажеттілігін түсіну, прототип жасау және оны тестілеу сияқты дизайн-ойлау кезеңдері жан-жақты қарастырылды.

Нақты нәтижелер мен қатысушылардың жетістіктері

Іс-шара барысында қатысушылар шағын топтарға бөлініп, нақты прототиптер мен медиажобалар әзірледі. Бұл формат жастардың командамен жұмыс істеу, шығармашылық шешім қабылдау және идеяны жүзеге асыру дағдыларын айтарлықтай дамытуға ықпал етті.

IdeaLab – бұл жай ғана тренинг емес, бұл – жастарды болашақ еңбек нарығына бейімдейтін, олардың әлеуетін ашатын нақты платформа. Қатысушылар жаңа білім мен тәжірибе алып қана қоймай, өздерін креативті жобалар авторы ретінде сынап көрді.

IdeaLab – креативті болашаққа бастар жол!
Жобалық ойлау мектебі жастардың ойлау көкжиегін кеңейтіп, оларды келешектің көшбасшы мамандарына айналдыруды мақсат етеді.

Қазіргі таңда жастардың әлеуметтік мәселелерін шешу және олардың болашағына бағыт-бағдар беру маңызды міндеттердің бірі болып табылады. Осы бағытта жұмыс істеп жатқан «BAGYT Caravan» ақпараттық керуені Сарысу ауданына сапар шегіп, жергілікті жастарға маңызды ақпараттар мен мүмкіндіктер туралы айтып берді.

Іс-шара аудандық Жастар ресурстық орталығымен бірлесіп ұйымдастырылды. Керуен аясында аудан жастары үшін бірнеше семинарлар өткізіліп, жастарға арналған түрлі жобалар таныстырылды. Әсіресе, ауыл жастарына арналған мүмкіндіктер мен жобалардың көп екенін көрсетіп, олардың өз әлеуетін арттыруға бағытталған іс-шаралар ұйымдастырылды.

Жастарға арналған жобалар таныстырылды

Іс-шара барысында «BAGYT Caravan» ақпараттық керуені жастарға түрлі әлеуметтік және кәсіпкерлік бағыттағы жобаларды ұсынды. Осы жоба аясында жастарға кәсіпкерлік, мәдениет, спорт, білім және жұмыс мүмкіндіктері туралы ақпарат берілді. Сонымен қатар, ауыл жастарының кәсіби дамуына арналған тренингтер мен практикалық семинарлар өткізіліп, жастардың өзін-өзі дамытуына бағытталған ұсыныстар айтылды. 

Іс шара "Азаматтық бастамаларды қолдау орталығы" КЕАҚ гранты аясында Жамбыл облысы әкімдігі ақпарат және қоғамдық даму басқармасының тапсырысы негізінде ұйымдастырылды.

Талдықорған қаласында заңгерлер мен психологтардан құралған мобильді топ азаматтарға жедел құқықтық және психологиялық көмек көрсетеді.
Мақсат – тұрғындарға құқықтық сауаттылықты арттыруға және өмірлік қиын жағдайларда қолдау көрсетуге жәрдемдесу.
Шара барысында кеңес беру, құқықтық құжаттар бойынша түсіндіру жұмыстары және психологиялық қолдау жүргізіледі.

Баршаңызға тегін кеңес алуға мүмкіндік беріледі!

Акция «Правовая поддержка – рядом с тобой»

В городе Талдыкорган мобильная группа, состоящая из юристов и психологов, проводит бесплатные консультации для населения.
 Цель – повышение правовой грамотности граждан и оказание поддержки в трудных жизненных ситуациях.
В рамках мероприятия будут организованы консультации, разъяснение по правовым вопросам и психологическая помощь.

Каждый может получить бесплатную правовую и психологическую помощь!

Жоба Жетісу облысының қоғамдық даму басқармасы тапсырысы шеңберінде "Азаматтық бастамаларды қолдау орталығы" КЕАҚ гранты аясында ұйымдастырылуда

Студенттік құқықтар мен омбудсменнің рөліне арналған маңызды кездесу өтті

2025 жылғы 2 қазан күні еліміздің болашағы саналатын жастардың құқықтық сауаттылығын арттыру және академиялық адалдық мәдениетін қалыптастыру мақсатында «Академиялық адалдық – әділ қоғамның бастауы: студенттік құқықтар мен омбудсменнің рөлі» атты маңызды кездесу ұйымдастырылды.

Іс-шараға Жамбыл облысының студенттік омбудсмені Байпақ Дархан арнайы шақырылып, өз саласының маманы ретінде студенттермен ашық әрі мазмұнды пікір алмасу өткізді

Кездесу барысынан:

Омбудсмен Байпақ Дархан академиялық адалдықтың білім беру жүйесіндегі рөлі, әділдік пен жауапкершілік принциптері жайында өз ойын білдіріп, студенттердің құқықтары мен міндеттеріне кеңінен тоқталды. Ол сондай-ақ әділ қоғам құруда жастардың белсенді азаматтық ұстанымының маңызын атап өтті.

 Ашық диалог алаңы

Шара аясында студенттер өздерін толғандырған сұрақтарын қойып, нақты жауаптар алды. Кездесу еркін форматта өтіп, қатысушылардың пікір білдіруіне, көзқарасымен бөлісуіне мүмкіндік тудырды. Бұл өз кезегінде жастардың құқықтық сауатын арттырып, олардың академиялық ортада өзін сенімді сезінуіне септігін тигізді.

 Шараның маңызы

Мұндай кездесулер жастар арасында адалдық, әділдік және жауапкершілік құндылықтарын насихаттап, академиялық ортадағы әділ тәртіпті нығайтуға ықпал етеді. Сонымен қатар, студенттік омбудсмен институтының рөлі мен маңыздылығы жайлы түсінікті кеңейтіп, жастар мен билік арасындағы диалогты нығайтады.

Адал білім – әділетті қоғамның кепілі!
Осындай мазмұнды іс-шаралар жастардың құқықтық мәдениетін қалыптастыруда және олардың белсенді, жауапты азамат болып өсуіне берік негіз қалайды.

2025 жылдың  2 қазан күні Қордай ауданында «Qordai Cup» атты интеллектуалды ойын ұйымдастырылды. Іс-шара Қордай ауданы әкімдігінің ішкі саясат бөлімінің тапсырысы аясында Жамбыл облыстық пікірсайыс одағы «Еркін пікір» жастар қоғамдық бірлестігінің ұйымдастыруымен өтті. Интеллектуалды сайыс Бетқайнар ауылындағы «№7 Бетқайнар колледжі» КМҚК базасында өткізіліп, оған әрқайсысы бес адамнан құралған алты команда қатысты.

Ойынның негізгі мақсаты – жастардың логикалық және аналитикалық ойлау қабілеттерін дамыту, топтық жұмыс пен бірлескен шешім қабылдау дағдыларын жетілдіру, сонымен қатар олардың зияткерлік әлеуетін арттыру болып табылады. Сайыс сұрақтары қатысушылардың жалпы білім деңгейін, тапқырлығын және жылдам ойлау қабілетін анықтауға бағытталды.Жарыс жоғары деңгейде ұйымдастырылып, командалар арасындағы тартысты дода қатысушылардың белсенділігімен және интеллектуалды дайындықтарымен ерекшеленді. Әр кезең сайын ойын қыза түсіп, командалар өзара білім мен логика жарысында мықтылықтарын дәлелдеуге тырысты.Интеллектуалды ойын қорытындысы бойынша үздік нәтиже көрсеткен жеңімпаз командалар арнайы бағалы сыйлықтармен және алғыс хаттармен марапатталды. Шара соңында қатысушылар ұйымдастырушыларға өз ризашылықтарын білдіріп, мұндай зияткерлік кездесулердің жастар арасында жиі ұйымдастырылуының маңыздылығын атап өтті.

Тараз университетінде поэзия кеші өтті

М.Х. Дулати атындағы Тараз университетінде «Еркін Пікір» қоғамдық бірлестігінің ұйымдастыруымен әсерлі поэзия кеші өтті. Шараның негізгі мақсаты — жастардың шығармашылық әлеуетін дамыту, көркем сөз өнеріне деген қызығушылығын арттыру және олардың рухани дүниесін байыту болды.

Кеш барысында жас ақындар жүрек тербеген жырларын оқып, көрермендерге поэтикалық әсер сыйлады. Қатысушылардың әр өлеңі — олардың ішкі жан дүниесінің айнасы, өмірге деген көзқарасының көрінісі болды. Тыңдарман қауым нәзік сезіммен жазылған жыр жолдарынан рухани ләззат алып, шабытты кештің куәсі болды.

Поэзия — жанның үні. Мұндай кештер жастардың рухани дамуына, шығармашылық қабілеттерінің ашылуына ерекше ықпал етеді. Сонымен қатар, бұл — сөз өнерін құрметтейтін жастардың басын қосып, ой еркіндігін, әдеби сауаттылықты арттырудың тиімді жолы.

Шара соңында жас ақындарға алғыс хаттар табысталып, олардың болашақ шығармашылығына сәттілік тілеген жылы лебіздер айтылды.

Жетісуда  «Қауіпсіз орта – жарқын болашақ!» антинаркотикалық акциясы өтті

Жетісу облысында жастардың есірткіге қарсы санасын қалыптастыру және құқыққа қайшы жарнамаларды жою мақсатында кең ауқымды «Қауіпсіз орта – жарқын болашақ!» атты антинаркотикалық граффити-акция ұйымдастырылды.

Аталған шараның негізгі мақсаты – жастарды зиянды ақпарат көздерінен қорғау, көпқабатты тұрғын үйлер мен қоғамдық нысандарда жазылған заңсыз граффити, кодтар және есірткі насихатына тосқауыл қою, сондай-ақ қоғам арасында салауатты өмір салтын насихаттау болды.

 Акция аясында төмендегідей жұмыстар атқарылды:
• Қала аумағындағы ғимараттар мен қоғамдық орындарда жазылған, есірткіні насихаттайтын заңсыз жарнамалар мен шифрланған сілтемелер (QR-кодтар, Telegram арна атаулары және т.б.) анықталып, дереу жойылды;
• Оның орнына «ЕСІРТКІГЕ ЖОЛ ЖОҚ!» деген секілді антинаркотикалық ұрандар мен мотивациялық сөздер жазылды;
• Жастар мен тұрғындарға есірткінің құқықтық және әлеуметтік зардаптары түсіндірілді;
• Оқушылар мен студенттерге арналған құқықтық, психологиялық, медициналық кеңестер берілді.

 Арнайы түсіндірме жұмысын Жетісу облыстық Полиция департаментінің Есірткі қылмысына қарсы іс-қимыл басқармасының қызметкері, полиция майоры Дастан Маликжанович Мырзақұлов жүргізді. Ол жастарға есірткінің зияны, қауіпсіз орта қалыптастыру жолдары және құқық бұзушылықтың алдын алу бойынша кеңестер берді.

 Шараға ерікті жастар тобы, оқушылар мен студенттер, құқық қорғау органдарының өкілдері, педагогтер мен қоғам белсенділері белсенді қатысты.

 Акция барысында түсірілген суреттер мен бейнематериалдар әлеуметтік желілерде кеңінен таратылып, «Қауіпсіз орта – жарқын болашақ!» үндеуі жастар арасында кең қолдау тапты.

⸻

Ұйымдастырушылар:
• Жетісу облысының қоғамдық даму басқармасы
• Жетісу облыстық Полиция департаменті
• «Саналы қоғам» қоғамдық қоры

 Жоба: «Есірткісіз таза қоғам»
Бұл акция жоғарыда аталған «Саналы қоғам» қоғамдық қоры жүзеге асырып жатқан «Есірткісіз таза қоғам» әлеуметтік жобасы аясында өтті. Жоба Жетісу облысы аумағында жастар арасында есірткі қолданудың алдын алуға, қауіпсіз орта құруға және құқықтық сауаттылықты арттыруға бағытталған.

⸻

Қауіпсіз орта – бәріміздің жауапкершілігіміз. Бірігіп әрекет етсек – болашағымыз жарқын болмақ!

В Жетысу прошла антинаркотическая акция «Безопасная среда – светлое будущее!»

В Жетысуской области прошла масштабная антинаркотическая граффити-акция под названием «Безопасная среда – светлое будущее!», направленная на формирование антинаркотического сознания молодежи и устранение противоправной рекламы.

Целью мероприятия стало — защита молодежи от вредоносных источников информации, ликвидация незаконных граффити и зашифрованных кодов на многоквартирных домах и общественных объектах, а также популяризация здорового образа жизни среди населения.

В рамках акции были реализованы следующие действия:
• В жилых районах города и общественных местах были выявлены и незамедлительно удалены граффити, содержащие рекламу наркотических веществ, а также QR-коды и ссылки на Telegram-каналы;
• На их месте были нанесены мотивационные лозунги, такие как «НЕТ НАРКОТИКАМ!»;
• Жителям и молодежи были даны разъяснения о вреде наркотиков, их правовых и социальных последствиях;
• Для школьников и студентов были организованы юридические, психологические и медицинские консультации.

 Разъяснительную работу провел старший офицер управления по противодействию наркопреступности Департамента полиции Жетысуской области, майор полиции Дастан Маликжанович Мирзакулов. Он подробно рассказал молодежи о вреде наркотиков, путях формирования безопасной среды и мерах по предотвращению правонарушений.

 В акции приняли активное участие волонтерские группы, школьники и студенты, представители правоохранительных органов, педагоги и общественные деятели.

 Фото- и видеоматериалы, снятые в ходе акции, были широко распространены в социальных сетях, а призыв «Безопасная среда – светлое будущее!» получил активную поддержку среди молодежи.

⸻

Организаторы:
• Управление общественного развития Жетысуской области
• Департамент полиции Жетысуской области
• Общественный фонд «Саналы қоғам»

 Проект: «Общество без наркотиков»
Данная акция была проведена в рамках социального проекта «Общество без наркотиков», реализуемого общественным фондом «Саналы қоғам». Проект направлен на профилактику наркомании среди молодежи, создание безопасной среды и повышение правовой грамотности в Жетысуской области.

⸻

Безопасная среда — наша общая ответственность. Только объединив усилия, мы сможем построить светлое будущее без наркотиков!