Т.Рысқұлов ауданы әкімдігінің ішкі саясат бөлімінің тапсырысымен «Ардагерлерді қолдауға бағытталған кешенді іс-шаралар өткізу» тақырыбындағы мемлекеттік әлеуметтік жобасы шеңберінде «Komek.Demeu.kz» қоғамдық қорының ұйымдастыруымен Т.Рысқұлов ауданында «Баталы елге бақ қонар» атты батагөйлер жарысы өткізілді.

Т.Рысқұлов ауданы әкімдігінің ішкі саясат бөлімінің тапсырысымен «Ардагерлерді қолдауға бағытталған кешенді іс-шаралар өткізу» тақырыбындағы мемлекеттік әлеуметтік жобасы шеңберінде «Komek.Demeu.kz» қоғамдық қорының ұйымдастыруымен Т.Рысқұлов ауданында «Текті сөздің төресі-терме» атты терме жарысы өткізілді.

«Ардагерлерді ардақтайық» жобасы асяныда Т.Рысқұлов ауданы ардагерлері Түркістан қаласына туристік сапармен барып қайтты

Т.Рысқұлов ауданы әкімдігінің ішкі саясат бөлімінің тапсырысымен «Ардагерлерді қолдауға бағытталған кешенді іс-шаралар өткізу» тақырыбындағы мемлекеттік әлеуметтік жобасы шеңберінде «Komek.Demeu.kz» қоғамдық қорының ұйымдастыруымен Т.Рысқұлов ауданының 85 жылдығына орай Түркістан қаласына экскурсия ұйымдастырылды. Екі күндік экскурсияға Т.Рысқұлов ауданының ардагерлері қатыстырылды. Экскурсияға қатысқан ауданның 50 ардагері екі күнге Құлан ауылынан Түркістан қаласына сапар шегіп, бірнеше тарихи, рухани кешендерді аралап қайтты. Атап айтсақ экскурсияның алғашқы күні ардагерлер Арыстанбаб кесенесіне барып, сол күні кешкі мезгілде кешкі Түркістан қаласына аралап, «Көне қалашық», «этно парк» сынды мәдени кешендерді аралап қайтты. Экскурсияның екінші күні Қожа Ахмет Яссауи кесенесін, «Керуен сарай» сынды мәдени кешендерді аралап қайтты. Экскурсия соңында ардагерлерге естелік суреттермен қоса Түркістан қаласынан арнайы естелік сыйлықтар табыс етілді.

12 тамыз - Халықаралық Жастар күніне орай Қ.Рысқұлбеков саябағында, 12 тамыз күні Жамбыл облысы әкімдігінің жастар саясаты мәселелері басқармасының тапсырысы бойынша «Жазғы Кубок - 2023» арнайы жобасы өткізілді

7 бірдей мықты команда бақ сынасқан бұл ойында үшінші орын - “Давмир” 80 мың теңгелік сертификат, екінші орын - “Әдеби жігіттер” 100 мың теңгелік сертификат, 1 орын - “Престиж” 150 мың теңгелік сертификат және Үздік ойыншы - “Ою” командасының капитаны Айназ Адамбаева 50 мың теңгелік сертификаттармен марапатталды.

"Жайдарлы" Жастар КВН лигасы ЖҚБ

Елбасы Нұрсұлтан Назарбаев Үкіметке «2020 жылға дейін 3 пен 6 жас аралығындағы балалар 100 пайыз мектепке дейінгі біліммен қамтамасыз етілсін» деген талап қойған еді. Осы орайда елімізде бірнеше бағдарламалар қолға алынған болатын. Нәтижесінде ауданымыздың түпкір-түпкірінен жаңа балабақшалар ашылды. Бұл бағытта ауданда тындырымды тірліктер көп.

Жамбыл облысының 80 жылдық мерейтойына орай және ҚР Тұңғыш Президент күні мерекесі қарсаңында ауданымызда 7 әлеуметтік нысан ел игілігіне берілетін болды. Соның бір айғағы ретінде аудан орталығында «Көркем Қордай» жекеменшік балабақшасының тұсауы кесілді. Бұл жаңалық Красный партизан тұрғындарына нағыз мерекелік сый болды. Тұрғындардың қуанышымен бөлісуге аудан әкімі Болатбек Байтөле арнайы келіп, ізгі тілектерін жеткізді. Бірінші кезекте Болатбек Байқонысұлы жиналған көпшілікті келе жатқан мерекемен және ата-аналар мен балабақша қызметкерлерін бүгінгі қуанышымен құттықтады.

- Баршаңызды келе жатқан мерекелі күнмен құттықтаймын. Осындай айтулы күн қарсаңында біздің ауданымызда бірнеше нысанның ашылуы жоспарлануда. Елбасының бастамасымен іске асқан бағдарламаның арқасында ауданда жекеменшік балабақша мен шағын орталықтардың саны 38-ге жетті. Нәтижесінде аудан бойынша мектепке дейінгі тәрбиемен қамтылған балалар үлесі 1-6 жас аралығында 92%, 3-6 жас аралығында 100% құрап отыр. Бұл мемлекет пен жекеменшік әріптестіктің нақты нәтижесі, – деді Б.Байтөле.

Содан соң ардагерлер кеңесінің төрағасы Біржан Әлімбет пен ауыл тұрғыны Бақыт Орналин құттықтау сөздерін айтып, салтанатты түрде нысанның лентасын қиды.

Аталмыш балабақшада 75 бүлдіршін тәрбиеленетін болады. Мектепке дейінгі білім беру мекемесі барлық талаптарға сай жабдықталған. Сондай-ақ, балалардың сапалы білім алып, ой-өрісін дамытып, спортпен шұғылданып, тамақтанып және демалуы үшін де барлығы ойластырылып жасалған. Үш топқа бөлінген бүлдіршіндердің үш тілде білім алып, шығармашылығын шыңдауына 6 білікті педагог және 3 тәрбиеші көмектеседі. Сонымен қатар, балабақшада логопед пен медбике бар екен. Қысқасы мұнда оннан астам жаңа жұмыс орны ашылып отыр.

Жобалық құны 6 млн теңгені құраған балабақшаны ашуды кәсіпкер Л.Әлімжанова қолға алыпты. Ауыл тұрғындары кәсіпкердің бастамасына дән риза.

- Бүгін біз керемет іс-шараның куәсі болып, қуанып отырмыз. Көптен күткен балабақша ашылды. Бүлдіршіндердің жақсы азамат болып тәрбиеленетініне үлкен сенім артып отырмын. Тәрбиешілерге жұмыстарына сәттілік тілеймін, – дейді балабақшаға немересін алып келген Шолпан Кәрімсаттарова.

Еркін Қатбеков