Көкдөнен ауылында жоба аясында кездесу ұйымдастырылды. Ауылдық өнер мектебінің ғимаратында өткен іс-шара коллекторлық кеңселердің жұмысына қатысты мәселелерге үлкен қызығушылық танытқан ауыл тұрғындарының басын қосты. Кездесуде тұрғындар өздерін толғандырған сұрақтарын қойып, өздеріндегі несиеге қатысты мәселелерді айтты. Жоба қызметкерлері берешекті өндіріп алу ережелері, осы саладағы заңнамалар туралы ақпарат берді, сонымен қатар коллекторлармен тікелей проблемалар туындаған жағдайда өз құқықтарын қалай қорғау керектігі туралы айтты. Бұл кездесу тұрғындардың құқықтық сауаттылығын арттыру және қаржылық мәселелерін шешуге қажетті ақпаратты алуға көмектесудегі маңызды қадам болды.