Жамбыл облыстық пікірсайыс одағы «Еркін пікір» жастар қоғамдық бірлестігі Мойынқұм ауданының ішкі саясат бөлімінің «Аудан тұрғындары арасында нашақорлықтың жіне есірткі бизнесін алдын алуға бағытталған кешенді іс-шаралар» тақырыбындағы мемлекеттік әлеуметтік жобасы аясында “Салауатты өмір салты” волейбол жарысын өткізді. Жарыстың негізгі мақсаты — жастар арасында бұқаралық спортты дамыту, олардың бос уақытын тиімді өткізуіне ықпал ету, дұрыс өмір салтын насихаттау, сондай-ақ нашақорлықтың алдын алу болып табылады. Бұндай шаралар жасөспірімдердің физикалық дамуына ғана емес, жауапкершілік, ұйымшылдық, командалық рух сияқты қасиеттерін қалыптастыруға да үлес қосады. Жарыс барысында қатысушылар спорттық бәсекелестікті сақтай отырып, шынайы достық атмосферасын көрсете білді. Әр команда өз шеберлігін шыңдап, жоғары деңгейдегі ойынды тамашалауға мүмкіндік жасады. Жарыс қорытындысы бойынша үздік нәтиже көрсеткен жеңімпаз командалар арнайы дипломдармен, медальдармен және қаржылай сыйлықтармен марапатталды. Сонымен қатар, ойынға белсенді қатысып, жақсы өнер көрсеткен өзге қатысушылар да назардан тыс қалмай, алғыс хаттар мен ынталандыру сыйлықтарына ие болды. Бұл спорттық іс-шара жасөспірімдерге тек жарыс қана емес, салауатты өмір салтын таңдаудың маңыздылығын түсіндіретін тәрбиелік мәні бар тиімді кездесуге айналды. 

Жамбыл облыстық пікірсайыс одағы «Еркін пікір» жастар қоғамдық бірлестігі Мойынқұм ауданы әкімдігі ішкі саясат бөлімінің «Отбасы институтын нығайту, отбасылық құндылықтарды насихаттау бойынша іс-шаралар ұйымдастыру және өткізу» тақырыбындағы мемлекеттік әлеуметтік жобасын жүзеге асыруда. «Отбасы күні» мерекесіне орай Мойынқұм ауданында бірқатар әлеуметтік-маңызы жоғары іс-шаралар ұйымдастырылды. Атап айтқанда, ауданға еңбегі сіңген азаматтар мен азаматшалардың, көп балалы және үлгілі отбасылардың қоғам өміріндегі белсенділігі мен еңбегін бағалау мақсатында арнайы сыйлықтар табысталды. Бұл акцияның негізгі мақсаты – отбасылық құндылықтарды дәріптеу, қоғамның дамуына үлес қосқан өнегелі жандарды насихаттау болып табылады. Сонымен қатар, «Мерейлі отбасы – 2025» ұлттық конкурсына қатысу үшін Мойынқұм ауданынан 15 отбасы өз өтініштерін білдірді. Бұған қоса, жергілікті атқарушы органдар мен заңды тұлғалардың ұсынысы негізінде тағы 5 отбасы байқауға қосымша ұсынылды. Барлық өтініштер мен құжаттар арнайы құрылған комиссия тарапынан жан-жақты сараланып, әр отбасының қоғамдағы белсенділігі мен үлгілі өмір салты мұқият бағаланды. Комиссия шешімі бойынша Сабыровтар, Омаровтар және Лесовтар отбасылары аудандық кезеңнің жеңімпаздары болып танылды. Айта кету керек, «Мерейлі отбасы – 2025» ұлттық конкурсының Тараз қаласы бойынша жеңімпазы ретінде Омаровтар отбасы анықталды. Олар өздерінің ұйымшылдығы, отбасылық құндылықтарды сақтауы және қоғам өміріне белсенді қатысуымен ерекшеленіп, байқау талаптарына толықтай сай келді.

Жамбыл облыстық пікірсайыс одағы «Еркін пікір» жастар қоғамдық бірлестігі Мойынқұм ауданының ішкі саясат бөлімімен бірлесіп, «Отбасы институтын нығайту, отбасылық құндылықтарды насихаттау бойынша іс-шаралар ұйымдастыру және өткізу» атты мемлекеттік әлеуметтік жоба шеңберінде бірқатар тәрбиелік әрі танымдық іс-шараларды іске асыруда. Жобаның басты мақсаты – қоғамдағы отбасының мәртебесін арттыру, жас ұрпақ арасында отбасылық жауапкершілік пен рухани құндылықтарды дәріптеу. Аталған жоба аясында Мойынқұм ауданының Мағжан Жұмабаев атындағы мектебінде кезекті кездесу өткізілді. Шара «Отбасының қоғамдағы орны» тақырыбында ұйымдастырылып, оған оқушылар, ұстаздар қауымы қатысты. Шара спикері Сүлейменова Ұлзада болды. Ол өз сөзінде отбасындағы өзара сыйластық, түсіністік және ынтымақтың маңызын жан-жақты баяндап, ата-ана мен бала арасындағы қарым-қатынастың тәрбиелік қырларына тоқталды. Сондай-ақ қатысушыларға рухани құндылықтарды сақтау мен отбасы татулығын нығайту бағытында маңызды ойлар мен кеңестер айтты. Қатысушылар тақырыпқа қатысты өз ойларын ортаға салып, өзекті сұрақтарына жауап алды. Кездесу соңында қатысушылар ұйымдастырушыларға және спикерге ризашылықтарын білдіріп, осындай мазмұнды шаралардың отбасылық құндылықтарды дәріптеуде үлкен рөл атқаратынын атап өтті.

Жамбыл облыстық пікірсайыс одағы «Еркін пікір» жастар қоғамдық бірлестігі Мойынқұм ауданы әкімдігінің ішкі саясат бөлімінің тапсырысымен жүзеге асып жатқан мемлекеттік әлеуметтік жоба аясында Мойынқұм ауданында «Жастар діни экстремизм мен терроризмге қарсы» тақырыбында футболдан жарыс ұйымдастырылды. Іс-шараның негізгі мақсаты – жастар арасында салауатты өмір салтын қалыптастыру, бұқаралық спортты дамыту және діни экстремизм мен терроризмнің алдын алу бағытында түсіндіру жұмыстарын жүргізу болды. Футбол сайысына аудандағы мектеп оқушылары белсенді түрде қатысты. Әр команда өзара тартысты ойын көрсетіп, жоғары деңгейдегі спорттық дайындықтарын паш етті. Ойын барысында әділқазылар алқасы жарыстың ережелерін сақтай отырып, жеңімпаздарды әділ анықтады. Жарыс соңында үздік ойыншылар мен жеңімпаз командалар медаль, кубок және арнайы қаржылай сертификаттармен марапатталды. Мұндай спорттық іс-шаралар жастардың бос уақытын тиімді өткізуіне, өзара достық пен ынтымақты нығайтуға, сондай-ақ діни экстремизм мен терроризм идеологиясына қарсы иммунитет қалыптастыруға үлкен үлес қосады. Футбол – тек спорттық бәсеке емес, ол командалық рухты, тәртіптілікті және жауапкершілікті арттыру арқылы жастарды бірлікке, бейбіт өмір мен татулыққа үндейтін құрал болып табылады.

Биназар ауылында «Менің денсаулығым» атты дөңгелек үстел ұйымдастырылып, оқушылармен мазмұнды кездесу өтті. Іс-шара Жамбыл облыстық пікірсайыс одағы «Еркін пікір» жастар қоғамдық бірлестігі және Мойынқұм ауданының ішкі саясат бөлімі жүзеге асырып жатқаннашақорлықтың алдын алу бағытындағы әлеуметтік жоба аясында өтті. Кездесудің негізгі спикері Берекеева Динара жасөспірімдерге денсаулықтың өмірдегі басты құндылық екенін түсіндіріп, зиянды әдеттерден аулақ болудың маңызын жан-жақты түсіндірді. Ол жас буынға дұрыс тамақтану, белсенді өмір салты, уақытты тиімді пайдалану секілді денсаулықты нығайтатын ұстанымдар туралы пайдалы ақпарат берді. Сонымен қатар, оқушыларға есірткі, темекі және алкогольдің адам ағзасына тигізетін зияны туралы нақты мысалдар келтіріліп, олардың болашаққа әсері түсіндірілді. Диалог түрінде өткен кездесуде балалар өз сұрақтарын қойып, маманнан жан-жақты жауап алды.

«Komek.Demeu.kz» қоғамдық қоры Т. Рысқұлов ауданы әкімдігінің ішкі саясат бөлімінің қолдауымен мемлекеттік әлеуметтік тапсырыс аясында «Пробация қызметінің есебінде тұрған азаматтарға әлеуметтік-құқықтық көмек көрсету және түсіндіру жұмыстарын жүргізу» тақырыбындағы әлеуметтік жобаны жүзеге асыруда. Жоба шеңберінде пробация қызметінің есебіндегі азаматтарға бағытталған іс-шаралар жүйелі түрде өткізіліп келеді. Соның бірі – кеңес беру алаңы. Аталған алаң пробация есебіндегі азаматтарға мемлекеттік қолдау түрлері мен әлеуметтік қызметтер туралы кең көлемде ақпарат беру мақсатында ұйымдастырылды.

Іс-шараға Т. Рысқұлов ауданы әкімдігінің жұмыспен қамту және әлеуметтік бағдарламалар бөлімінің мамандары мен ауыл шаруашылығы бөлімінің мамандары арнайы шақырылып, спикер ретінде қатысып, қатысушыларға еңбек нарығындағы мүмкіндіктер, кәсіптік оқыту, әлеуметтік көмек түрлері және ауыл шаруашылығына қатысты мемлекеттік бағдарламалар жөнінде жан-жақты мәліметтер ұсынды. Кеңес беру алаңы барысында азаматтар нақты сұрақтарын қойып, өздеріне қажетті жеке кеңестер алды. Сонымен қатар, болашақта қандай бағытта жұмыс істеуге болатыны, қандай қолдау тетіктері бар екендігі туралы құнды ақпараттарға қол жеткізді. Іс-шараның басты мақсаты – пробация есебіндегі азаматтардың қоғамға қайта бейімделуіне ықпал ету, олардың әлеуметтік және құқықтық сауаттылығын арттыру болды.

Мұндай кеңес беру форматындағы кездесулер аталған санаттағы азаматтардың әлеуметтік белсенділігін арттырып, өмірлік бағыт-бағдарын қалыптастыруға зор әсер етеді. Жоба алдағы уақытта да өз жалғасын тауып, әртүрлі бағытта іс-шаралармен толықтырылатын болады.

«Komek.Demeu.kz» қоғамдық қоры Т. Рысқұлов ауданы әкімдігінің ішкі саясат бөлімінің қолдауымен мемлекеттік әлеуметтік тапсырыс аясында «Пробация қызметінің есебінде тұрған азаматтарға әлеуметтік-құқықтық көмек көрсету және түсіндіру жұмыстарын жүргізу» тақырыбындағы әлеуметтік жобаны іске асыруда. Аталған жоба – пробация қызметінің есебіндегі азаматтарды қоғамға бейімдеу, құқықтық сауаттылығын арттыру, әлеуметтік қолдау көрсету және олардың қайта қылмысқа баруын болдырмауға бағытталған маңызды бастамалардың бірі. Жоба шеңберінде түрлі форматтағы іс-шаралар ұйымдастырылуда.

 Солардың бірі – интеллектуалды ойын. Бұл шара пробация есебіндегі азаматтарды танымдық белсенділікке тарту, логикалық ойлау қабілетін дамыту, өзара ынтымақтастық пен серіктестікке бейімдеу мақсатында өткізілді. Интеллектуалды ойын барысында қатысушылар әртүрлі тақырыптарда сұрақтарға жауап беріп, білімдерін ортаға салды.

Шара нәтижесінде қатысушылар тек зияткерлік жарысқа қатысып қана қоймай, сонымен бірге қоғаммен тығыз байланыс орнатып, өз құқықтары мен міндеттері туралы мол мағлұмат алды. Мұндай іс-шаралар пробация есебінде тұрған азаматтардың әлеуметтенуіне, қоғамдық ортаға қайта бейімделуіне оң ықпал етеді.

Жамбыл облыстық пікірсайыс одағы «Еркін пікір» жастар қоғамдық бірлестігі Мойынқұм ауданы әкімдігі ішкі саясат бөлімінің «Отбасы институтын нығайту, отбасылық құндылықтарды насихаттау бойынша іс-шаралар ұйымдастыру және өткізу» тақырыбындағы мемлекеттік әлеуметтік жобасын жүзеге асыруда. Аталған жоба аясында Мойынқұм ауданындағы «Coworking» білім орталығында қоғамның маңызды тетігі саналатын отбасы құндылықтарын дәріптеуге арналған кездесу ұйымдастырылды.

Іс-шараға аудандық пробация қызметінің есебінде тұрған азаматтар қатысты. Шараның негізгі мақсаты – отбасы институтының қоғамдағы орнын айқындау, оның маңыздылығын ұғындыру және әлеуметтік осал топ өкілдерімен ашық диалог құру арқылы олардың санасында отбасыға деген жауапкершілік пен құрмет сезімін қалыптастыру болды. 

Кездесуге арнайы шақырылған маман – кәсіби психолог Марал Хантөреқызы отбасы бірлігінің қоғамдағы тұрақтылыққа әсері, ата-ана мен бала арасындағы қарым-қатынас, дұрыс тәрбие беру жолдары және тұлғалық дамуда отбасының рөлі туралы жан-жақты баяндама жасады. Ол өмірлік мысалдар мен кәсіби тәжірибесіне сүйене отырып, қатысушыларға терең әрі пайдалы ақпараттар ұсынды.

Кездесу барысында қатысушылар өздерін толғандырған сұрақтарын қойып, маман тарапынан нақты жауаптар мен практикалық кеңестер алды. Сонымен қатар, диалог түрінде өткен ашық пікір алмасу барысында әр қатысушы өз ойын еркін білдіріп, отбасы тақырыбы төңірегінде өзара тәжірибе алмасты. Шара соңында қатысушылар ұйымдастырушыларға алғыстарын білдіріп, мұндай кездесулердің маңызын ерекше атап өтті. 

Жамбыл облыстық пікірсайыс одағы «Еркін пікір» жастар қоғамдық бірлестігі Мойынқұм ауданы әкімдігінің ішкі саясат бөлімінің “Аудан тұрғындары арасында нашақорлықтың және есірткі бизнесін алдын алуға бағытталған кешенді іс-шаралар” мемлекеттік әлеуметтік жобасы аясында Мойынқұм ауданындағы “Coworking” білім орталығында “Нашақорлықсыз болашақ” атты семинар-тренинг өтті. Шараға пробация есебіндегі азаматтар мен азаматшалар қатысты.

Семинарды заңгер Өмірбеков Данияр Маратұлы жүргізді. Ол шараға қатысушылармен ашық әңгіме өрбітіп, олардың ішкі күйзелістерінің себептері, қысым жағдайында қалай әрекет ету керектігі туралы психологиялық кеңестер берді. Тренинг кезінде  өмірлік мақсаттар туралы әңгімелеп, мотивациялық жаттығулар орындады.  Сонымен қатар, есірткі мен түрлі зиянды әдеттерге “жоқ” деп айтудың маңыздылығы айтылды. Бұл шара өзін-өзі дамытуына, сана-сезімін нығайтуға және өз болашағына жауапкершілікпен қарауға үйретті.

Жамбыл облыстық пікірсайыс одағы «Еркін пікір» жастар қоғамдық бірлестігі Мойынқұм ауданы әкімдігінің ішкі саясат бөлімінің “Аудан тұрғындары арасында нашақорлықтың және есірткі бизнесін алдын алуға бағытталған кешенді іс-шаралар” атты мемлекеттік әлеуметтік жобасы аясында Бірлік ауылында “Нашақорлықсыз болашақ” атты психологиялық тренинг өткізді. Іс-шара ауылдық мәдениет үйінің мәжіліс залында өтті. Жиынға ауыл тұрғындары, жастар, мектеп мұғалімдері және ата-аналар қатысты. Тренингтің негізгі мақсаты — есірткіге тәуелділіктің адам психологиясына, денсаулығына және әлеуметтік ортасына тигізетін зиянын түсіндіру, салауатты өмір салтын насихаттау және ауыл жастары арасында нашақорлықтың алдын алу.

Кездесуге арнайы шақырылған спикер — Жамбыл облыстық нотариаттық палатасының атқарушы директоры, заңгер Өмірбеков Данияр Маратұлы. Ол өз сөзінде нашақорлықтың құқықтық және әлеуметтік салдарына кеңінен тоқталып, жастардың теріс жолға түсуіне әкелетін себептерді нақты мысалдармен түсіндіріп берді. Заңгер ретінде есірткі қолданудың қылмыстық жауапкершілікке әкелетінін, мұндай әрекеттердің болашаққа кері әсер ететінін атап өтті. Психологиялық бағыттағы тренинг барысында қатысушыларға өмірден алынған нақты оқиғалар мысалға келтірілді. Сонымен қатар, жастармен ашық диалог ұйымдастырылып, өз ой-пікірлерін айтуға мүмкіндік берілді.

Шара соңында қатысушыларға есірткіге қарсы иммунитет қалыптастырудың маңыздылығы туралы ақпараттық таратпа материалдары таратылды. Тренинг ауыл жастарының өмірге деген көзқарасын кеңейтуге, жауапкершілік сезімін арттыруға және қауіптің алдын алуға бағытталған маңызды қадам болды.